Sabido é
que formo parte da exacta ecuación
da dinámica do Universo,
onde todo acontece e se manifesta con precisión,
o movemento lento dos penedos
unha bágoa a esbarar da túa meninha
dos teus olhos que remelan nun orgasmo,
o lustrigo que rasga o ar e racha o carbalho,
a misión material do dominio económico
a conformar masas dóciles e submisas.
Tudo perfeito e exacto!
Cando o grolo do tinto vinho
quenta e pasa á gorxa
cara o seu tránsito a un cantar
modifico as variáveis universais,
aí estou eu, meu ego.
De facto, tudo se modifica nas estrelas
e se axusta a unha nova realidade ilusoria
que transcende e reequilibra de maneira dinámica;
eu son o actor, non o espectador.
No Tantra imanente onde moraremos
agardo a túa chegada inexorável!
Benito Eladio Rodríguez Fernández 13/06/2021.
